انا من الناس اللى شافت الثوره وانبهرت بيها بجد وكنت هموت واروح التحرير بس مقدرتش ليه بقى اقولكم ..ناديه اللى هى ماما قالتى على جثيتى انتى عايزه تتبهدلى هو انتى ناقصه شلفطه سكت واتحسرت على حالى وقبل تنحى الكبير بيوم كنت قاعده معها بنتفرج على الجزيرة ، كانوا جيبين شباب جامد جدا من التحرير وفى وسط اندهاشى بيهم الاقى نادية تقولى ايه "مش عايزه تروحى التحرير " ..بصتلها بدهشة وقولتلها ليه من امتى مش خايفه اتشلفط اكتر ما انا ..قالتلى بثقه متناهية يمكن يكون فى امل ..الصراحة فى الاول انا مفهمتش الكلمه بس لما بصتلها فهمت ويارتنى ما فهمت ...اصل ايه بقى ناديه حسبتها فى عقلها وقالتلك ايه بقى اهو فرصة بدل عجبها شباب التحرير اهو تروح تنقلها عريس ولو معرفتش اهو تجلها رصاصة وفى الحالتين تكون خلصت منى وهى الكسبانه ...شوفتوش احلام امى بالثوره كانت ايه ...انها تخلص منى ..علشان كده نادية لسه زعلانه من الثوره لانها فى نظرها محققتش كل اهدافها , وخلصتها من بقايا النظام "الغلبانه انا "ارحمنى يارب
ليست هناك تعليقات:
إرسال تعليق