التاريخ يعيد ذاته

كلنا دلوقتى كل ما بنعترض على حاجه تقال مقولة جامده جدا "تفائلوا لان مهما حصل عمر اللى جاى ما هيبقى زى اللى فات " الغريب بقى ان الكلمه دى اول مره سمعتها كان من الراحله سعاد حسنى للاستاذ نور الشريف فى فيلم الكرنك كتعليق على ان يتفائل بعد خروجه من المعتقل ايام عبد الناصر وبدأ عهد انور السادات وانه مهما سيحدث فى عهد السادات وما بعده لن يكون مثل ما حدث فى عبد الناصر والمعتقلات ,,,الاغرب بقى ان صفوت الشريف اللى كان احدى رموز الفساد ايام عبد الناصر هو نفسه احدى دعامات النظام المباركى ,,,كل ما اود ان اقوله هو انه لا يحق ان نعطى المصداقيه المطلقه لكل شىء فالاخوان ليسوا احسن الاحزاب مطلقا والاقباط ليسوا هم الغلوب على امرهم واصحاب الحق الوحيدون فى البلد والسلفيون ليسوا هم  شكل الدين الاسلام والمجلس العسكرى ليس الحامى للشعب ,,فكل هؤلاء تحت اى مسمى بشر فلا يجب ان نعاملهم على انهم اله لا تخطأ ,,,,ولا يجب ان نسلم عقولنا ومستقبلنا لاى احد تحت مسمى" مهما حدث فلن يكون مثل ما سبق" ,,,لان الجمله اللى قيلت فى عهد عبد الناصر جعلت الشعب  استسلم للسادات ومن بعده لمبارك وحدث ما كان اسوأ بكثير مما كان ,,,تفائلوا ولكن لابد ان نيقين جيدا اننا بشر خطائين بطبعنا نريد الدنيا وشهواتها بفطرتنا فلابد ان يظل دائما هناك حراسه ومتابعه لمن يتحدث باسمنا ويدير امورنا تحت اى مسمى دينى علمانى قبطى سلفى يسارى يمينى 

رباب النجار