اذا كنتى ممن قرروا فجاه ان يقوموا بعمل وطنى مثل غسيل السجاد فاليكى بالنصائح التاليه :-
1 - قومى باختيار سجاده لا تمثل قيمه ماليه او قيمه نفسيه عاليه حتى لا تسببى فى طمس احدى زكريات الشخص صاحب السجاده والا تجعليه يموت حسرة على امواله الضائعه
2- تاكدى ان ما تستخدميه فى غسل السجاده هو فرشاه خاصه بالسجاد وليس فرشاه البدل بتاعت اخوكى او جوزك مثلا وده لو فعلا عايزه تكملى فى البيت اللى انتى قاعده فيه
3-بلاش يغلبك حس النظافه الجامد وتقولى احط منظفات مع شامبو السجاد زياده نضافه يعنى وتقومى بجلالة ادرك وتحوطى كلور عليها ده لو بتحبى يفضل اى معلم منها يعنى
4- استخدمى مكان مفتوح على البحرى فى غسيل السجاد نصيحه يعنى علشان لو محصلش وغسلتيها مثلا فى الحمام اوعدك انك هتعرفى احساس اللى بيشربوا كوله او جاز
5- لو عندك اى كائن حى "اليف " احسنلك تقومى بتسريبه من البيت بدل ما منظمات حقوق الحيوان ترفع عليكى قضيه التمثيل بجثه حيوان اليف مثلا ..قطه
6-لازم تشوفوا مكان امن تباتوا فيه لقدر الله لو حصل كدا او كدا ولو مفيش يبقى تحولوا تربطوا مع البواب علشان يسبلكم السلم تباتوا عليه ولو حضرتك متجوزه يبقى تجهزى محامى كويس
7- لازم تعرفى انك وانتى بتغسلى السجاده مش كل ما تلاقى الميه بتاعت غسيل السجاد غامقه معناها ان السجاده لسه محتاجه نضافه وانتى شاطره مثلا وبتنضفيها لا خالص ممكن يعنى يكون لون السجاده مثلا او الرسومات اللى عليها بتختفى فحاولى تحتفظى باى حاجه تعرف اصحاب البيت على السجاده
8- لو انتى متجوزه انصحك انك تتفقى تباتى عند مامتك يوميها ولو منفعش يبقى ياريت تخدى تصريح من الجيران بالسهر والصوت العالى واحيانا تكسير العفش
9-لو حصل بقى وغسلتى المرحومه اياكى تفكرى تشليها وتعملى عنتر ولو حصل انصحك بزيارة دكتور عمود فقرى
10-لو كنتى عملتى العمل ده وغسلتى السجاده لاى سبب او عمله لحيوان او انسان ياريت متقوليش ان ده السبب ورا غسيلك ليها علشان تلاقى حد يرقف بحالك وقت الحساب
11-ونصيحه لو كنتى انسه وخيروكى بين قطتك والسجاده لا اختارى السجاده وارمى قطتك فى الشارع بدل ما تبقى انتى وهى فى الشارع هى هتعرف تعيش فى الشارع لكن معتقدتش انك هتعرفى
12- وفى النهايه ارجوكى تدعيلى ربنا يعديها على خير ولازم تعرفى انك محظوظه لانك لقيتى اللى ينصحك قبل ما تتورطى زى غيرك
ونصيحه نهاية لو انطبقت السما على الارض اوعى تعملى حاجه متعرفهاش وتقولى بوفر او بصلح غلطه قطه مثلا فى حاجه اسمها مكان غسيل سجاد والله الموفق
امضاء
ضحيه قطه وسجاده
وربنا يستر
ليست هناك تعليقات:
إرسال تعليق