احساس غريب اوى لما تشوف حد وتلاقى قلبك يضحك لمجرد ان عيونك لمحته ...ياترى حصلتلك قبل كدا ؟!! انا حصلتلى واول مره اكون كدا ..صدقونى اول مره لان اول مره الحاجه اللى بتخلينى اضحك مش ملكى ولا قريبه منى وبالرغم من ده مبسوطه ..بستناها كل يوم وطبعا فى احلامى ...عيون يمكن تكون عاديه عند كل الناس يمكن عندى انا كمان بس مختلفه كانها منى تخصينى بتكلمنى من غير ما تكلمنى ..يمكن يكون ده سبب سعاتى يمكن !!!! بس مش العيون بس لالالا فى ضحكه بتترسم على الشفايف بتخلينى اضحك واحس انى اقدره اتنفس مهما كنت مخنوقه ضحكه ممكن تبعت اشاره ثابته لاى حد بس عندى انا بتبعت اشاره واضحه ومختلفه ...يمكن ده سبب سعادتى ..يمكن !!! لا يمكن الصوت ؟! صوت رقيق هادىء بينادى اسمى بشكل مختلف بحس دايما انه عايز يقولى حاجات كتير بس مش عارف يمكن يكون ده سبب سعادتى ....يمكن ؟!! يمكن تشابهنا فى الحركات والكلمات او حتى التعليقات على الحاجات ..تفتكروا ده سبب سعادتى ...يمكن ؟!! اكيد كله متأكد انى بحب وبعشق صاحب سعادتى ...بس الحقيقة انى حساه اوى مجرد حساه اوى ..انى عرفاه كأنه منى انا وعلشان كدا عارفه اوصفه كويس ...رغم ان بنا مسافات كتيره جدا وحسابات مختلفه بس انا متأكده ان فى لحظه معينه بتجمعنا بكون انا وهو بس بره الدنيا دى بحسابتها وقيودها ...واللحظه دى هى سبب سعادتى الحقيقى ..حتى لو كنت هرجع تانى لدنيتى التى يرانى فيها نجما صعب الوصول اليه وانا اراه قصرا ملك لغيرى ...ولكنى اعلم اننى عندما اشتاق اليه اناديه فيأتى مسرعا وهذه هى السعاده ........
فاعلم ان السعاده الحقيقة ليست ان تمتلك ما تحبه وانما ان تشعر به حتى لو كان بعيدا عنك وملكا لغيرك فوجوده كافى ان يشعرك بالسعاده
رباب النجار 
ليست هناك تعليقات:
إرسال تعليق